მერს, გამგებლებსა და საკრებულოს თავმჯდომარეებს ნარკოტესტირება აღარ მოეთხოვებათ

მუნიციპალიტეტის გამგებლებს და საკრებულოს თავმჯდომარეებს ნარკოლოგიური შემოწმების გავლა პირველი ივლისიდან აღარ მოეთხოვებათ. ამ დროიდან ახალი კანონი ამოქმედდა „საჯარო სამსახურის შესახებ“, რომელიც აღარ ვრცელდება პოლიტიკური თანამდებობის პირებზე. გამგებელი და საკრებულოს თავმჯდომარე პოლიტიკური თანამდებობის პირებად ითვლებიან, რადგან მათ პირდაპირი წესით ირჩევენ.

„გამგებლების და საკრებულოს თავმჯდომარეების უფლებამოსილებას არეგულირებს თვითმმართველობის კოდექსი, თუმცა ეს კოდექსი ღიად ტოვებს მათი ნარკოლოგიური შემოწმების საკითხს, – განმარტავს მირზა მამულაძე, „ახალგაზრდა იურისტთა ასოციაციის“ იურისტი. – თვითმმართველობის პოლიტიკური თანამდებობის პირების ნარკოტესტირებას ასევე არ განსაზღვრავს საარჩევნო კოდექსი. ამ კოდექსით მხოლოდ პარლამენტის წევრების ნარკოლოგიური შემოწმების წესებია განსაზღვრული.“

მირზა მამულაძე ამბობს იმასაც, რომ კანონის ეს ჩანაწერი პრობლემურია და ახალგაზრდა იურისტთა ასოციაცია ამ კუთხით მუშაობს აპირებს.

კანონი „საჯარო სამსახურის შესახებ“ მხოლოდ რიგით საჯარო მოხელეებს ავალადებულებს წარმოადგინონ ნარკოლოგიური შემოწმება. ამ კანონის 27-ე მუხლში ვკითხულობთ: „პირი მოხელედ არ მიიღება, თუ მან სამსახურში არ წარმოადგინა საქართველოს კანონმდებლობით დადგენილი ფორმით ნარკოლოგიური შემოწმების ცნობა, ან წარმოდგენილი ნარკოლოგიური შემოწმების ცნობა ადასტურებს ნებისმიერი ნარკოტიკული საშუალების მოხმარების ფაქტს.“

გამოდის, რომ მუნიციპალიტეტების თანამშრომლებს ნარკოლოგიური შემოწმების გავლა მოეთხოვებათ სამსახურში აყვანის დროს. „გარდა ამისა, უწყების ხელმძღვანელ პირებს აქვთ ექსკლუზიური უფლებამოსილება, ნებისმიერ დროს, გაუფრთხილებლად მოითხოვონ რომელიმე თანამშრომლის ნარკოლოგიური შემოწმება,“ – ამატებს მირზა მამულაძე.

ახალი კანონის მოქმედება ასევე არ ვრცელდება პროკურორებსა და პროკურატურის გამომძიებლებზე.
“ბათულები”

Comments

comments

სხვა ვიდეოები

english essay primary homework help writing a blog post essay help uk professional cover letter writing service admission essay writing professional proofreading do my programming homework college writing creative writing paper custom writing service do my math homework for me essay writing help uk